LA COMPAÑA DEL RONCHEL

Esti añu'l cartel de les Fiestes del Portal de Villaviciosa débese al xeniu creador d'un dibuxante talentosu y asturianista, que reflexa perbién dos de los referentes principales d'esta fiesta y de la propia personalidá maliaya, como ye la sidra y la música. Esperemos que nun hebia polémica como l'añu pasáu. De xuru que non.

ERNESTO GARCÍA DEL CASTILLO, NETO, (Cangas del Narcea, 1960)
Dibuxante, ilustrador, escritor y creador gráficu y lliterariu, ganó'l premiu Mingote 2009, concedíu por ABC y consideráu como'l más prestixosu gallardón que puede recibir n'España un dibuxante. El premiu, instituíu en 1966, recayó -ente otros- en dibuxantes y humoristes gráficos tan prestixosos como Antonio Mingote (que da nome al premio), Tono, Máximo, Peridis, Chumy Chúmez, Manuel Summers o Martinmorales. El xuráu d'esta edición tuvo formáu por Antonio Mingote, Marcelino Oreja, César Antonio Molina, Raúl del Pozo y Santiago Castelo.
Neto, un referente nel humor gráficu español, que con malpenes 17 años yá publicaba na prestixosa revista La codorniz cuenta con una variada obra plasmada tantu en prensa como en llibros. Como humorística gráficu collaboró en más de 20 publicaciones y anguañu publica -ente otros medios- nos periódicos La Voz de Asturias, El Norte Económico y Les Noticies.
Ye ilustrador de más de 30 llibros, ente ellos los títulos que conformen la coleición La aventura de saber, editada por Madú. Tamién se reveló como narrador nel so llibru de rellatos Cuentos d'outros sieglos, editáu por CH editorial en 2008. Inclusu aventuróse nos llibros pa viaxeros cola publicación del llibro Cangas del Narcea. Guía del concejo y rutas, editáu por Madú.
En 2000 recibió un de los premios de periodismu d'UNICEF y en 2002 engazó'l premiu Haxtur al humor nel Salón Internacional del Cómic de Xisón, pol llibru Nuestros paisanos, tamién de Madú.