Discursu comprometíu d'Hevia nel Campoamor
El gaiteru maliayu José Angel Hevia, fui nombráu miembru d'honor de l'Academia de la Llingua Asturiana, nel trescursu d'un actu celebráu nel Teatru Campoamor d'Uviéu, que s'atopaba enllenu de xente. Lo más destacable del actu fui la propia intervención del gaiteru, quien amás de pidir que se rectifique la definición que del términu 'gaiteru' da'l diccionariu asturianu, fixo una radiografía de la situación del asturianu que non por cruda fui menos acertada. "La llingua da les aboquiaes", dixo Hevia, y ello "ye responsabilidá de los propios asturianos", incluyendo a los partíos políticos estatales, insensibles al problema, y a los autodenominaos asturianistes, que dividíos en "faces y fazuques" contribuyen, por incomparecencia, a que l'idioma amorrente. José Ángel aseguró que solo se dan "migayes" al asturianu. La so intervención, curiosamente, fui mui aplaudida polos presentes, na so mayoría asturianistes, anque tamién asistieron al actu representantes de los distintos partíos políticos, ente ellos el secretariu xeneral del PSOE, Javier Fernández.
Esbilla
del.icio.us
CR ye una asociación cultural enfotada na defensa y promoción de la Llingua Asturiana: del so usu públicu, de la so lliteratura, de los derechos de los falantes..., de la OFICIALIDÁ
Una intervención que lleva camín de convertise n'histórica y finxu de referencia pa bona parte d'asturianistes y nacionalistes y que debe tar llevantando unes angüeñes enormes nos partidarios de la política liliputiense de la engarradiella, les zunes y'l nun llegar nunca a nenguna parte.