CR ye una asociación cultural enfotada na defensa y promoción de la Llingua Asturiana: del so usu públicu, de la so lliteratura, de los derechos de los falantes..., de la OFICIALIDÁ
EL RONCHEL foi invitáu a participar na Comision de Toponimia convocada pol alcalde maliayu Manuel Busto pa modificar los nomes de places con denominaciones franquistes, corrixir errores y 'bautizar' les zones d'espansión, el nuevu ensanche. Con tolos inconvenientes y dificultaes que surdieron, consideramos positiva la nuestra participación nesti organismu ciudadanu nel que tamién s'integraron asociaciones culturales, vecinales, de muyeres, de xubilaos y los partíos políticos que funcionen nel conceyu, amás de dos miembros a títulu personal. Los trabayos de la comisión ta a puntu de finar. Agora tóca-yos el turnu a los grupos muicipales, ya que ye la corporación la que tien la última pallabra, de toes formes los grupos reconocieron en so día que'l dictame de la comisión yera vinculante. El Ronchel defendió les denominaciones tradicionales ellí onde taben olvidaes y denominaciones con raigañu local pal restu.
Esti trabayu súmase al fechu pola Xunta de Toponimia de revisión de los nomes de sitios habitaos del conceyu, y que foi aprobada pel conceyu y ratificada pol Conseyu de Gobiernu del Principáu. Esperamos que pasín ente pasu se normalice tamién nos indicadores,l'usu institucional, nos medios de comunicación y la propia sociedá.
ronchel @ 00:30
Esbilla | 
del.icio.us
Dexar un comentariu